Hawa ke hont khuleN, saa’at e kalaam to aaye
Ye ret jaisa badan, aandhiyoN ke kaam to aaye
~
Hamara sar na uthaaye wo apne sar se buland
Rayees shahr ko aadaab e qatl-e-aam to aaye
~
Use udaas na kar de ye meri tez ravee !!
MaiN abke sust chaluN wo subuk kheraam to aaye
~
Munafeqat ki sabhi tohmaten mujhe dede
Mere tufail rafeeqoN me tera naam to aaye
~
Gham-e-hayat, gham-e-rozgaar, be watani
Sakun se jo dhale kaash aisi shaam to aaye.