Kuchh bhi nahiN, koi nahiN, khaab k ekhtiyaar meN
Raat guzaar dee gayii !!! subh k intezaar meN
Baab e ataa k saamne, ahl e kamaal ka hujoom
Jin ko tha sarkashi pe naaz, woh bhi usi qataar meN
Aayega aayegaa wo din, ho k rahega har hisaab
Waqt bhi intezaar meN, khalq bhi intezaar meN
Jaise fasaad e khuun se [...]
Archive for July, 2009
Kuchh Bhi NahiN …
Posted in ILHAAMI AAYAAT, Iftekhar Arif on July 31, 2009 | Leave a Comment »
Wo SahiloN Pe …
Posted in ILHAAMI AAYAAT, Nasir kazmi on July 30, 2009 | Leave a Comment »
Wo sahiloN pe gaane waale kya hue
Wo kashtiyaN Chalane waale kya hue
Wo subh aate aate rah gayi kahaN
Jo qaafle the aane waale kya hue
MaiN jin ki raah dekhta hun rat bhar
Wo raushani dikhane waale kya hue
Ye kaun log haiN mere idhar udhar
Wo dosti nibhaane waale kya hue
ImaarateN to jal k rakh ho gayiN
ImaarateN banaane waale [...]
Dil hi to hai na Sang-o-Khisht …
Posted in ILHAAMI AAYAAT, Mirza Ghalib on July 27, 2009 | Leave a Comment »
Dil hi to hai na sang-o-khisht, dard se bhar na aaye kyuN
RoyeNge ham hazaar baar koi hameiN sataaye kyuN
Dair nahi, haram nahi, dar nahi, aastaN nahi
Baithe hain rahguzar pe ham, ghair hamein uthaaye kyuN
Jab wo jamal-e-dilfaroz, surat-e-mahr-e-nimaroz
Aap hi ho nazaarasoz, parde mein munh chupaaye kyuN
Dashna-e-gamza jansitaN, nawak-e-naz bepanaah
Tera hi aks-e-rukh sahi, samane tere aaye kyuN
Qaid-e-hayat-o-band-e-gham [...]
Khaatir se ya Lihaaz se …
Posted in ILHAAMI AAYAAT, Misc. Ghazals on July 24, 2009 | Leave a Comment »
Khaatir se ya lihaaz se maiN maan to gayaa
jhootthee qasam se aap ka eemaan to gayaa
Dil leke muft kehte haiN kuch kaam ka nahiN
Ulti shikaayateiN rahiN ehsaan to gayaa
Afshaay-e-raaz-e-ishq me go zillateiN hueeN
Lekin use jataa to diya, jaan to gayaa
Dekha hai butkade meiN jo ae sheikh kuch na kuch
Eemaan ki to ye hai k eemaan [...]
Huii Hai Shaam …
Posted in Ahmad Faraz, ILHAAMI AAYAAT on July 22, 2009 | Leave a Comment »
Huii hai shaam to aankhoN mein bas gayaa phir tuu
Kahaan gayaa hai mere shahr ke musaafir tuu
Bahut udaas hai ik shakhs, tere jaane se
Jo ho sake to chalaa aa usii kii khaatir tuu
Merii misaal k ik nakhl-e-khushk-e-sahraa huuN
Teraa Khayaal k shaakh-e-chaman kaa taair tuu
Main jaantaa huun ke duniyaa tujhe badal degii
Main maantaa huuN ke aisaa [...]
Na GaNvaao Naavak …
Posted in Faiz Ahmad Faiz, ILHAAMI AAYAAT on July 20, 2009 | Leave a Comment »
Na gaNvaao naavak-e-niim-kash, dil-e-reza reza gaNvaa diyaa
Jo bache haiN sang samet lo, tan-e-daagh daagh lutaa diyaa
Mere chaaraagar ko naved ho, saf-e-dushmanaaN ko Khabar karo
Wo jo qarz rakhate the jaan par, wo hisaab aaj chukaa diyaa
Karo kaj jabiiN pe sar-e-kafan, mere qaatiloN ko gumaaN na ho
K ghuruur-e-ishq kaa baaNkapan, pas-e-marg hamne bhulaa diyaa
Udhar ek harf [...]
Dariya Ke Paas Aur …
Posted in ILHAAMI AAYAAT, Muzaffar Hanfi on July 17, 2009 | Leave a Comment »
Dariya k paas aur bahaanaa to hai nahi
kahta hai chal k tera thikaana to hai nahi
Thori si raoushni hai, use jo bhi loot le
Jugnu miyaN k paas khazaana to hai nahi
Hum Jaye-Haadsaa se bahut door aagaye
Zakhmi ki cheekh koi taraanaa to hai nahi
Jab kah diya to baat nibhadenge umr bhar
HalaNki dosti ka zamaanaa to hai [...]
Tera Ghar aur Mera …
Posted in ILHAAMI AAYAAT, Parvin Shakir on July 14, 2009 | Leave a Comment »
Tera ghar aur mera jungal bheegta hai saath saath
Aisi barsaateN ke badal bheegta hai saath saath
Bachpane ka saath hai phir aik se dono ke dukh
Raat ka aur mera aanchal bheegta hai saath saath
Woh ajab duniya, k sab khanjar bakaf phirte hain, aur
Kaanch ke peyaloN maiN sandal bheegta hai saath saath
Baarish-e-sang-e-malamat maiN bhi woh hamraah hai
MaiN [...]
Ye Dil, Ye Paagal Dil Mera …
Posted in ILHAAMI AAYAAT, Muhsin Naqvi on July 13, 2009 | Leave a Comment »
Ye dil, ye paagal dil mera kyuN bujh gayaa? aavaargii
Is dasht meN ik shahar thaa wo kyaa huaa? aavaargii
Kal shab mujhe be-shakl sii aavaaz ne chauNkaa diyaa
MaiN ne kahaa tuu kaun hai? us ne kahaa aavaargii
Ik tuu k sadiyoN se mere ham_raah bhiii ham_raaz bhii
Ik maiN k tere naam se naa_aashnaa aavaargii
Ye dard kii tanhaa_iyaaN, [...]
Ishq Mujhko Nahin …
Posted in ILHAAMI AAYAAT, Mirza Ghalib on July 13, 2009 | 2 Comments »
Ishq mujhko nahin wahshat hi sahi
Meri wahshat teri shohrat hi sahi
Qat’aa kieje na taa’alluq hum se
Kuchh nahin hai to adaawat hi sahi
Mere hone main hai kya ruswaai
Ye woh majlis nahin khalwat hi sahi
Hum bhi dushman to nahin hain apne
Ghair ko tujh se mohabbat hi sahi
Apni hasti hi se ho jo kuchh ho
Aagahi gar nahin ghaflat [...]
