Tum haqiqat nahi ho hasrat ho
Jo mile khaab meN wo daulat ho
MaiN tumhare hi dam se zinda huN
Mar hi jauN jo tum se fursat ho
Tum ho khushbu k Khab ki khushbu
Aur utni hi, be – murawwat ho
Tum ho pahlu meN par qaraar nahi
Yaani aisa hai jaise furqat ho
Tum ho angRayii rang O nikhat ki
Kaise angRayi se shikaayat ho
Kis tarah choR duN tumhein janaN
Tum meri zindagi ki aadat ho
Kis liye dekhti ho aayeena
Tum to khud se bhi khubsurat ho
DaastaaN khatm hone wali hai
Tum meri aakhri muhabbat ho
(Jaun Alia)
Comments on: "Tum Haqeeqat Nahi Ho Hasrat Ho" (4)
Ayaz sahab, aapka collection main padhta rehta hun.. I love urdu poetry but i love Ghazals the most …. Main ghazlen likhta bhi hun, kya meri ghazlen aap apne collection me shamil karna chahenge …., plz elaborate the procedure and copyrights ……. will be thankful to you …..
Reblogged this on Free Soft Fire.
very nice poetry
ab tou tum sè kabhi nä fursat ho!
jänäñ, ab tum meri zarürat ho!
tum bichhar’nä kabhi nä ab mujh sè!
“kyüñ bhalä dèkho äiena ho, tum?
tum tou, k”hüd sè bhi k”hübsürat ho!”
24mar13
~ jiim alif parvèz (bhärat) / jaun aèlia (päkistän).
key not needed.