Posted by: Ghalib Ayaz on: November 24, 2009
Kitnaa kaam kareNge
Ab aaraam kareNge
Tere diye hue dukh
Tere naam kareNge
Ahal-E-dard hi aakhir
KhushiyaaN aam kareNge
Kaun bacha hai jise voh
Zer-E-daam kareNge
Naukri chhoR k ‘Nasir’
Apnaa kaam kareNge
Posted by: Ghalib Ayaz on: November 24, 2009
Safar meN dhoop to hogi jo chal sako to chalo
Sabhi haiN bheeR meN tum bhi nikal sako to chalo
Idhar udhar kayi manzil haiN chal sako to chalo
Bane banaaye haiN saaNche jo Dhal sako to chalo
Kisi ke waaste raaheN kahaaN badalati haiN
Tum apane aap ko Khud hi badal sako to chalo
YahaaN kisi ko koyii raastaa nahi [...]
Posted by: Ghalib Ayaz on: November 23, 2009
ChaNd meN jo pariyaaN rahti haiN
Hum ko milte dekh chuki haiN
In aankhoN me kyuN rahti ho ??
Jo har dam roti rahti haiN
Laakh nikaaluN dil se lekin
Khaab nigoRe sab ziddi haiN
Us malakooti husn ke, logo
Jitne Dhab haiN, aafaaqui haiN
Aaj jise sun kar tum roye
Wo baateN mujh per beeti haiN
Posted by: Ghalib Ayaz on: November 23, 2009
Sochtaa huuN K mahfuuz kar luuN ise apne siine meN lafz-o-bayaaN kii tarah
ThoRii hii der meN yeh mulaaqaat bhii Khatm ho jaayegi daastaaN kii tarah
Yeh rafaaqat bahut muKhtasar hai mirii hamsafar laa mere haath meN haath de
Tuu havaa-E-sar-E-rahguzar kii tarah, maiN kisii nakhat-E-raayegaaN kii tarah
Haal zaalim shikaarii kii suurat mujhe, vaqt kii ziin se baaNdh [...]
Posted by: Ghalib Ayaz on: November 23, 2009
Gaisu-E-shaam meN aik sitaaraa aik khyaal
Dil meN liye phirte haiN tumharaa aik khyaal
Baam-E-falak par sooraj,chaaNd, sitaara tha
Ham ne beyaaz-E-dil pe utaaraa aik khyaal
Kabhi to un ko bhi dekho, jin logoN ne
Umr gaNwaai aur saNwaaraa aik khyaal
Yaad k shahr k shor se kaale kosoN door
Dasht-E-faraamoshi se pukaaraa aik khyaal
YuN bhi hua hai dil k muqaabil duniya [...]
Posted by: Ghalib Ayaz on: November 20, 2009
Kabhi jo cheR gayee yaad-E-raftagaaN Mohsin
Bikhar gayee haiN nigaaheN kahaaN kahaaN Mohsin
Hawa ne raakh urraaii to dil ko yaad aayaa
K jal bujheeN mere khaabon ki bastiyaaN Mohsin
Kuch aaise ghar bhi miley jin meN ghooNgatoN k iwaz
Hui haiN dafn dopattoN meN larrkiyaaN Mohsin
KhaNdar hai ahd-E-guzishta na chhu na chheR isay
KhuleN to band na hoN is ki [...]
Posted by: Ghalib Ayaz on: November 19, 2009
Woh firaaq aur woh vissal kahaN
Woh shab-O-roz-O-maah-O-saal kahaaN
Fursat-E-karobaar-E-shauq kise
Zauq-E nazzaara-E jamaal KahaaN
Dil to dil vo dimagh bhi na raha
Shor-E-sauda E khatt-O-Khal KahaaN
Thi wo ik shakhs ke tasawwur se
Ab wo raanaayi-E-khayal kahaaN
Aisaa aasaaN nahiN lahoo ronaa
Dil meN taaqat jigar meN haal kahaaN
Humse chhuta Qumaar-khana E-ishq
WaaN Jo JayeN girah meN maal kahaaN
Fikr-E-duniya meN sar khapata HuN
MaiN kahaaN [...]
Posted by: Ghalib Ayaz on: November 19, 2009
Yaas meN jab kabhi aaNsuu niklaa
Ek nayii aas kaa pahluu niklaa
Le uRii sabza-e-Khudrau ki mahak
Phir terii yaad kaa pahluu niklaa
MiiThii bolii meN papiihe bole
Gungunaataa huaa jab tuu niklaa
AayiiN saavan kii andherii raateN
KahiiN taaraa, kahiiN jugnuu niklaa
Naye mazmuun sujhaatii hai sabaa
Kyaa idhar se vo suman-buu niklaa
PaaNv chhilne lagii jaltii huii ret
Dasht se jab koii aahuu niklaa
Kayii [...]
Posted by: Ghalib Ayaz on: November 19, 2009
Badan ke donoN kinaaroN se jal rahaa huuN maiN
K chhuu rahaa huuN tujhe, aur pighal rahaa huuN maiN
Tujhii pe Khatm hai jaanaaN mere zavaal kii raat
Tuu ab tulu’ bhii ho jaa, ke Dhal rahaa huuN maiN
Bulaa rahaa hai miraa jaamaa-zeb milne ko
To aaj pairahan-e-jaaN badal rahaa huuN maiN
Ghubaar-e-raahguzar kaa ye hauslaa bhii to dekh
Havaa-e-taazaa! tere [...]
Posted by: Ghalib Ayaz on: November 18, 2009
Kab hawaa E sitam se darte the
Khaahish E rang O boo jo karte the
Us gali meN kabhi na khaak uRe
Be sabab jis se hum guzarte the
Uski yaadeN udaas karti thiN
Uski yaadoN se hi saNwarte the
Ek aisa bhi daur guzraa hai
Log aapas meN pyaar karte the
Jaane kya mashGhalaa hai ab unka
Zindagi meN jo rang bharte the
