Posted by: Ghalib Ayaz on: October 7, 2009
Koi haalat bhi ab taari nahiN hai
To kya yeh dil ki naadaari nahiN hai
MaiN huN aesey safar par jaaney wala
K jis ki koi tayyaari nahiN hai
HuN zadd par is tarah teer-e-fana ki
Abhi jaisay meri baari nahiN hai
KahuN kya, kitna be araam huN maiN
Meri ummeed abhi haari nahiN hai
MaiN apnay aap sey hooN ghair kitna
Kisi sey [...]
Posted by: Ghalib Ayaz on: August 20, 2009
Kab uskaa visaal chaahiye thaa
Bas aik Khayaal chaahiye thaa
Kab dil ko javaab se Gharaz thii
HoNToN ko savaal chaahiye thaa
Shauq yek nafas thaa aur vafaa ko
Paas-e-mah-o-saal chaahiye thaa
Ek chehraa-e-saadaa thaa jo hamko
Be-misl-o-misaal chaahiye thaa
Ek Karb meN zaat-o-zindagii haiN
Mumkin ko mahaal chaahiye thaa
Posted by: Ghalib Ayaz on: August 6, 2009
Ham to jaise yahaaN ke the hii nahiiN
Dhuup the saayabaaN ke the hii nahiiN
Raaste kaaravaaN ke saath rahe
Marhale kaaravaaN ke the hii nahiiN
Ab hamaaraa makaan kis kaa hai?
Ham to apane makaaN ke the hii nahiiN
In ko aaNdhi meN hii bikharanaa thaa
Baal-o-par aashiyaaN ke the hii nahiiN
Us galii ne ye sun ke sabr kiyaa
Jaane vaale yahaaN [...]
Posted by: Ghalib Ayaz on: June 27, 2009
Maskan-e-maah o saal chhoR gaya
Dil ko uss ka khayaal chhoR gaya
Taaza dam jism o jaaN thay furqat meiN
Wasl , uss ka nidhaal chhoR gaya
Ahd-e-maazi jo tha ajab pur haal
Aik weeraan haal chhoR gaya
Zaala baari k marhaloN ka safar
Qaaflay, paayemaal chhoR gaya
Dil ko ab yeh bhi yaad ho k na ho
Kaun tha , kia malaal chhoR [...]
Posted by: Ghalib Ayaz on: June 2, 2009
Yeh gham kya dil ki aadat hai?Nahi to
Kisi sey kuch shikaayat hai?Nahi to
Hai wo ik khaab-e-be taabeer us ko
Bhula dene ki neeyyat hai?Nahi to
Kisi k bin, kisi ki yaad k bin
Jiye jaane ki himmat hai?Nahi to
Kisi soorat bhi dil lagta nahi?haan
To kuch din se ye haalat hai?Nahi to
Tujhey jis ney kahiN ka bhi na rak_kha
Wo [...]
Posted by: Ghalib Ayaz on: March 26, 2009
Ek hunar hai jo kar gayaa huuN maiN
Sab ke dil se utar gayaa huuN maiN
Kaise apnii haNsii ko zabt karuuN??
Sun rahaa huuN ke ghar gayaa huuN maiN
Kyaa bataauuN ke mar nahiiN paataa
Jiite ji jab se mar gayaa huuN maiN
Ab hai bus apna saamnaa darpesh
Har kisii se guzar gayaa huuN maiN
Vohii naaz-o-adaa, vohii Ghamze
Sar-ba-sar aap par [...]
Posted by: Ghalib Ayaz on: March 23, 2009
Gaahe gaahe bas ab yahi ho kya?
Tumse mil kar bahut khushi ho kya?
Mil rahi ho bare tapaak ke saath,
Mujhko yeksar bhula chuki ho kya?
Yaad hain ab bhi apne khaab tumheN?
Mujhse mil kar udaas bhi ho kya?
Bas mujhe yun hi ik khayal aaya,
Sochti ho to sochti ho kya?
Ab meri koi zindagi hi nahin,
Ab bhi tum meri [...]
