Urdu Ghazals by Ghalib Ayaz, Modern Shairy http://ghalibayaz.wordpress.com Haan sab marjate hain. Bas Nazmmen Zindaa rahti hain !!! Wed, 04 Nov 2009 09:05:41 +0000 http://wordpress.com/ en hourly 1 http://www.gravatar.com/blavatar/6a21d55ccd6cbd9e0d495b819a1bf415?s=96&d=http://s.wordpress.com/i/buttonw-com.png Urdu Ghazals by Ghalib Ayaz, Modern Shairy http://ghalibayaz.wordpress.com ChiraaGh Maangte Rahne Ka … http://ghalibayaz.wordpress.com/2009/11/04/chiraagh-maangte-rahne-ka/ http://ghalibayaz.wordpress.com/2009/11/04/chiraagh-maangte-rahne-ka/#comments Wed, 04 Nov 2009 09:01:11 +0000 ghalibayaz http://ghalibayaz.wordpress.com/?p=440 ]]>

ChiraaGh maangte rahne ka kuch sabab bhi nahiN
Andhera kaise batayeN k ab to shab bhi nahiN


Main apne zo’m mein ek bazyaft par khush huN
Ye waqia hai ke mujh ko mila wo ab bhi nahiN


Jo mere shai’r meN mujh se zayada boltaa hai
Main os ki bazm meN ek harf zer-e-lab bhi nahiN


Aur ab to zindagi karne ke sau tareeqe haiN
Hum us ke hijr meN tanha rahe thay tab bhi nahiN


Kamal shakhs tha jis ne mujhe tabaah kiya
Khilaaf us ke ye dil ho saka hai ab bhi nahiN


Ye dastakeN ye meri zindagi ki aadhi raat
Hawaa ka shor samajh luN to kuch ajab bhi nahiN


Ye dukh nahiN K andheroN se sulh ki hum ne
Malaal ye hai ke ab subH ki talab bhi nahiN


Hisaab-e-dar-badari tujh se maang saktaa hai
Ghareeb-e-shahr magar itna be adab bhi nahiN


HameN bahut hai ye saadaat-e-ishq ki nisbat
Ke ye qabeela koii aisa kam nasab bhi nahiN

]]> http://ghalibayaz.wordpress.com/2009/11/04/chiraagh-maangte-rahne-ka/feed/ 2 ghalibayaz Koyi Ummeed Bar Nahi Aatii … http://ghalibayaz.wordpress.com/2009/10/30/koyi-ummeed-bar-nahi-aatii/ http://ghalibayaz.wordpress.com/2009/10/30/koyi-ummeed-bar-nahi-aatii/#comments Fri, 30 Oct 2009 11:37:04 +0000 ghalibayaz http://ghalibayaz.wordpress.com/?p=437 ]]>

Koyi ummeed bar naheeN aatii
Koyi soorat nazar naheeN aatee

Maut ka ek din mu’ayyan hai
NeeNd kyuN raat bhar naheeN aaatii?

Aage aatii thii haal-e-dil pe haNsi
Ab kisii baat par naheeN aatii

Jaanta hooN sawaab-e-taa’at-o-zohd
Par tabee’at idhar naheeN aatii

Hai kuchch aeisee hi baat jo chup huN
Warna kya baat kar naheeN aatii

KyoN na cheeKHooN K yaad karate haiN
Meree aawaaz gar naheeN aatii

DaaGH-e-dil gar nazar naheeN aata
Boo bhee ae chaaraagar ! naheeN aatii

Ham wahaaN haiN jahaaN se hamko bhee
Kuchch hamaaree KHabar naheeN aatii

Marte haiN aarzoo meiN marne ki
Maut aatii hai par naheeN aatii

Kaa’baa’ kis muNh se jaaoge ‘GHalib’
Sharm tumko magar naheeN aatii

]]> http://ghalibayaz.wordpress.com/2009/10/30/koyi-ummeed-bar-nahi-aatii/feed/ 0 ghalibayaz Besan ki Sondhii RoTii … http://ghalibayaz.wordpress.com/2009/10/27/besan-ki-sondhii-rotii/ http://ghalibayaz.wordpress.com/2009/10/27/besan-ki-sondhii-rotii/#comments Tue, 27 Oct 2009 12:05:46 +0000 ghalibayaz http://ghalibayaz.wordpress.com/?p=435 ]]>

Besan kii sondhii roTii pe khaTTii chaTni jaisii maaN
Yaad aatii hai chauka besan chimtaa phuknii jaisii maaN


Baan ki khurri khaaT ke uupar har aahat par kaan dhare
Aadhii soii aadhi jaagi thakii dopahrii jaisii maaN


chiRiyoN kii chahkaar se guunje Radha mohan Ali Ali
MurGhe kii aawaz se khulti, ghar ki kundi jaisii maaN


Biiwii, beti, bahan, paRosan thoRii thorii sii sab meN
Din bhar ek rassii ke uupar chaltii naTnii sii maaN


BaanT ke apnaa chehraa maatha aankheN jaane kahaaN gayii
Phate puraane ek album mein chanchal  laRkii jaisii maaN



]]> http://ghalibayaz.wordpress.com/2009/10/27/besan-ki-sondhii-rotii/feed/ 0 ghalibayaz Us Ko Judaa Hue Bhi … http://ghalibayaz.wordpress.com/2009/10/08/us-ko-judaa-hue-bhi/ http://ghalibayaz.wordpress.com/2009/10/08/us-ko-judaa-hue-bhi/#comments Thu, 08 Oct 2009 13:24:03 +0000 ghalibayaz http://ghalibayaz.wordpress.com/?p=432 ]]>

Us ko judaa hue bhii zamaanaa bahut huaa
Ab kyaa kaheN ye qissaa puraanaa bahut huaa

Dhalatii na thii kisii bhii jatan se shab-e-firaaq
Ae marg-e-naagahaaN teraa aanaa bahut huaa

Ham Khuld se nikal to gaye haiN par ae Khudaa
Itne se vaaqa’ay kaa fasaanaa bahut huaa

Ab ham haiN aur saare zamaane kii dushmaanii
Us se zaraa sa rabt baRhaanaa bahut huaa

Ab kyoN na zindagii pe muhabbat ko vaar deN
Is aashiqii meN jaan se jaanaa bahut huaa

Ab tak to dil ka dil se ta’aaruf na ho sakaa
Maanaa ki us se milanaa milaanaa bahut huaa

Kya kya na ham Kharaab hue haiN magar ye dil
Ae yaad-e-yaar teraa Thikaanaa bahut huaa

Kahtaa thaa naasehoN se mere muuNh na aa_iiyo
Phir kya thaa ek huu kaa bahaanaa bahut huaa

Lo phir tere laboN pe usii bevafaa kaa zikr
Ahmad ‘Faraz’ tujh se kahaa naa bahut huaa

]]> http://ghalibayaz.wordpress.com/2009/10/08/us-ko-judaa-hue-bhi/feed/ 0 ghalibayaz Koi Haalat Bhi … http://ghalibayaz.wordpress.com/2009/10/07/koi-haalat-bhi/ http://ghalibayaz.wordpress.com/2009/10/07/koi-haalat-bhi/#comments Wed, 07 Oct 2009 13:27:50 +0000 ghalibayaz http://ghalibayaz.wordpress.com/?p=429 ]]>

Koi haalat bhi ab taari nahiN hai
To kya yeh dil ki naadaari nahiN hai

MaiN huN aesey safar par jaaney wala
K jis ki koi tayyaari nahiN hai

HuN zadd par is tarah teer-e-fana ki
Abhi jaisay meri baari nahiN hai

KahuN kya, kitna be araam huN maiN
Meri ummeed abhi haari nahiN hai

MaiN apnay aap sey hooN ghair kitna
Kisi sey bhi meri yaari nahiN hai

HuN behadd tangg apne aap sey maiN
K ab tak khud sey bayzaari nahiN hai

Yeh meri zindagi, meri aziyyat
Hai aisa waar, jo kaari nahiN hai

ALAMM uth’tey to haiN ab bhi hamarey
Magar wo girya o zaari nahiN hai

Gila kar ab bichaRney meiN hamaray
Meri JaaN ! Koi dushwaari nahiN hai


]]> http://ghalibayaz.wordpress.com/2009/10/07/koi-haalat-bhi/feed/ 0 ghalibayaz Gile Fuzuul The … http://ghalibayaz.wordpress.com/2009/09/25/gile-fuzuul-the/ http://ghalibayaz.wordpress.com/2009/09/25/gile-fuzuul-the/#comments Fri, 25 Sep 2009 11:55:35 +0000 ghalibayaz http://ghalibayaz.wordpress.com/?p=427 ]]>

Gile fuzuul the ahad-e-vafaa ke hote hue
So chup rahaa sitam-e-naaravaa ke hote hue


Ye qurbatoN meN ajab faasale paRe k mujhe
Hai aashnaa kii talab aashnaa ke hote hue


Vo hila-gar haiN jo majburiyaaN shumaar kareN
ChiraaGh ham ne jalaaye havaa ke hote huye


Na kar kisii pe bharosaa ke kashtiyaaN DuubaiN
Khudaa ke hote huye naaKhudaa ke hote huye


Kise Khabar hai ki kaasaa-ba-dast phirte haiN
Bahut se log saroN par humaa ke hote hue


‘Faraz’ aise bhii lamhe kabhii kabhii aaye
K dil giriftaa rahaa dil_rubaa ke hote hue


]]> http://ghalibayaz.wordpress.com/2009/09/25/gile-fuzuul-the/feed/ 0 ghalibayaz Aise Hijr Ke Mausam … http://ghalibayaz.wordpress.com/2009/08/31/aise-hijr-ke-mausam/ http://ghalibayaz.wordpress.com/2009/08/31/aise-hijr-ke-mausam/#comments Mon, 31 Aug 2009 12:02:22 +0000 ghalibayaz http://ghalibayaz.wordpress.com/?p=424 ]]>

Aise hijr ke mausam ab kab aate haiN


Tere alaava yaad humeN sab aate haiN


Jazb kare kyon ret hamaare ashko ko


Tera daaman tar karne ab aate haiN


Ab wo safar ki taab nahi baaqi varna


Humko bulaavey dasht se jab tab aate haiN


Jaagti aankhoN se bhi dekho duniya ko


Khaab ka kya hai, wo har shab aate haiN


KaaGhaz ki kashti mei dariya paar kiya


Dekho humko kya-kya kartab aate hain

~ Shahryar ~

]]> http://ghalibayaz.wordpress.com/2009/08/31/aise-hijr-ke-mausam/feed/ 0 ghalibayaz Sach Yeh Hai … http://ghalibayaz.wordpress.com/2009/08/26/sach-yeh-hai/ http://ghalibayaz.wordpress.com/2009/08/26/sach-yeh-hai/#comments Wed, 26 Aug 2009 12:09:12 +0000 ghalibayaz http://ghalibayaz.wordpress.com/?p=416 ]]>

Sach yeh hai, bekaar humeN gham hota hai
Jo chaha tha, duniyaa  meN kam hota hai


Dhalta suraj, phaila jungle, rasta gum
Humse puchho kaisa aalam hota hai


GhairoN ko kab fursat hai dukh dene ki
Jab hota hai, koi humdum hota hai


Zakhm to humne in ankhon se dekhe haiN
LogoN se sunte hain, marham hota hai


Zahn kii shaakhoN par ash’aar aa jaate haiN
Jab teri yaadoN ka mausam hota hai


{ Javed Akhtar }

]]> http://ghalibayaz.wordpress.com/2009/08/26/sach-yeh-hai/feed/ 0 ghalibayaz Dil Munaafiq Tha … http://ghalibayaz.wordpress.com/2009/08/25/dil-munaafiq-tha/ http://ghalibayaz.wordpress.com/2009/08/25/dil-munaafiq-tha/#comments Tue, 25 Aug 2009 10:35:17 +0000 ghalibayaz http://ghalibayaz.wordpress.com/?p=414 ]]>

Dil munaafiq tha shab-e-hijr maiN soyaa kaisaa
Aur jab tujh se milaa toot ke royaa kaisaa


Zindagi meN bhi ghazal hi ka Qareenaa raK_khaa
Khaaab dar khaab tere gham ko piroyaa kaisaa


Ab to chehroN pe bhi katboN ka ghumaaN hota hai
AankhaiN patth_raayi hui haiN lab-e-goyaa kaisaa


Dekh ab qurb ka mausam bhi na sar sabz lage
Hijr hi hijr maraasim maiN samoyaa kaisaa


Aik aansoo tha ke dariya-e-nidaamat tha FARAZ
Dil se baibaak shanawar ko duboyaa kaisaa


]]> http://ghalibayaz.wordpress.com/2009/08/25/dil-munaafiq-tha/feed/ 0 ghalibayaz Dayar-e-noor meN … http://ghalibayaz.wordpress.com/2009/08/24/dayar-e-noor-men/ http://ghalibayaz.wordpress.com/2009/08/24/dayar-e-noor-men/#comments Mon, 24 Aug 2009 11:27:56 +0000 ghalibayaz http://ghalibayaz.wordpress.com/?p=412 ]]>

Dayar-e-noor meN teeraaH shaboN ka saathi ho
Koi to ho jo meri wahshatoN ka saathi ho


MaiN usse jhuTT bhi boluN to mujh se sach bole
Mere mizaaj k sab mousamoN ka saathi ho


Wo mere naam ki nisbat se mo’tabar thahre
Gali gali meri ruswaaiyon kaa saathi ho


MaiN us k hath na aauN wo mera ho k rahe
MaiN gir parun to meri pastiyoN ka saathi ho


Wo khaab dekhe to dekhe mere hawale se
Mere khayaloN k sab manzaroN ka saathi ho


]]> http://ghalibayaz.wordpress.com/2009/08/24/dayar-e-noor-men/feed/ 0 ghalibayaz