Har Ek Baat Pe Kehte Ho Tum K Too Kya Hai


 

 Har ek baat pe kehte ho tum K ‘too kya hai’ ?
TumheeN kaho K yeh andaaz-e-guftgoo kya hai ?

Na sho’le meiN yeh karishma na barq meiN ye ada
koee bataao K woh shoKH-e-tund_KHoo kya hai ?

Yeh rashk hai ki wo hota hai ham_suKHan tumse
Wagarna KHauf-e-bad_aamozi-e-adoo kya hai ?

Chipak raha hai badan par lahoo se pairaahan
Hamaaree jeb ko ab haajat-e-rafoo kya hai ?

Jalaa hai jism jahaaN dil bhee jal gaya hoga
kuredate ho jo ab raakh, justjoo kya hai ?

RagoN meiN dauRte phirne ke ham naheeN qaayal
Jab aaNkh hi se na Tapka to phir lahoo kya hai ?

Woh cheez jiske liye hamko ho bahisht azeez
Siwaay baada-e-gul_faam-e-mushkaboo kya hai ?

PiyooN sharaab agar KHum bhee dekh looN do chaar
Yeh sheesha-o-qadah-o-kooza-o-suboo kya hai ?

Rahee na taaqat-e-guftaar, aur agar ho bhee
To kis ummeed pe kahiye ke aarzoo kya hai ?

Bana hai shaah ka musaahib, phire hai itraata
Wagarna shahar meiN ‘Ghalib’ kee aabroo kya hai ?

(By: Mirza Ghalib)

Advertisements

5 thoughts on “Har Ek Baat Pe Kehte Ho Tum K Too Kya Hai

  1. ab iss jahäñ mèñ bachi mèrï äbrü kyä hai?
    tèrè siwä, mèrï ab or justoujü kya hai?
    lut’e haiñ aisè k armäñ bhi lu’t gayè särè!
    “chhini hai qüwat aè guftär or agar ho bhï!
    tou kis ummïd pè kahiyè, k ärzü kyä hai?”
    29may11
    ~ jïm alif parvèz / mirzä ghälib.
    key:
    jahäñ-world
    äbrü-respect
    siwä-apart from
    justoujü-persuit
    lut’e-got looted
    armäñ / ärzü-desire
    qüwat aè guftär-power of speech
    ummiid-hope.
    jap.
    ärzü
    jap.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s