Chupke Chupke Raat Din (Mukammal Ghazal)


Chupke chupke raat din aaNsu bahaana yaad hai
Hum ko abtak aashiqi ka wo zamaana yaad hai

Ba-hazaraaN izteraab O sad hazaaraaN ishtiyaaq
Tujh se wo pahle pehal, dil ka lagaana yaad hai

Baar baar uThna usi janib nigaah E shouq ka
Aur tera ghurphe se wo, aankheN laRaana yaad hai

Tujh se kuch milte hi wo bebaak ho jana mera  
Aur tera danton men wo ungli dabaana yaad hai

KhaiNch lena wo mera parde ka kona daf’a-atan
Aur dupatte se tera wo muNh chupaana yaad hai

Jaan kar sota tujhe woh qasd E pa-bosi mera
Aur tera thukra k sar, wo muskuraana yaad hai

Tujhko jab tanha kabhi pana to az-raah-E-lehaaz
Haal E dil batooN hi batoon men jataana yaad hai

Ghair ki nazroN se bach kar, sab ki marzi k khilaaf
Wo tera chori chhupe ratoN ko aanaa yaad hai  

Aa gaya gar wasl ki shab bhi kahiN zikr E firaaq
Woh tera ro ro k mujhko bhi rulaana yaad hai

Do-pahar ki dhoop meN mere bulane ke liye  
Woh tera koThe pe nange paoN aana yaad hai  

Aaj tak nazroN men hai wo sohbat E raz O neyaz
Apna jaana yaad hai, tera bulaana yaad hai  

Mithi mithi cheR kar baateN niraali pyaar ki
Zikr dushman ka wo batoN men uRaana yaad hai

Dekhna mujhko jo barghushta to sau sau naaz se
Jab mana lena to phir, kud rooTh jaana yaad hai

Chori chori hum se tum aa kar mile the jis jagah
MuddateiN guzriN par ab tak wo thikaana yaad hai

Shauq men menhdi k wo be-dast-o-pa hona tera  
Aur mera wo chheRna, wo gudgudana yaad hai  

Ba-wajood E iddaaye itteqa ‘Hasrat’ mujhe
Aaj tak ahd E hawas ka wo fasaana yaad hai

By : Hasrat Mohani (From his book “Aansoo Bahaanaa Yaad Hai”)

Advertisements

5 thoughts on “Chupke Chupke Raat Din (Mukammal Ghazal)

  1. Zindagi abhi itni bewafa nhi k muu mor lay humse,
    Tere alfaazo se is mai jaan abhi baaqi hai
    Teray har ek alfaazo ka talabgaar hu mai “HASRAT”
    Laut aa k abhi zamana luta nhi hai,

  2. Dil ki kashti ko maujo ne kinara bakhsha
    uski ankho ko ek anmol nazara bakhsha,
    Usne kuch Is qadar kia tha mujhko bezar
    mujhko kanto ne bhi us waqt shahara bakhsha,
    mere zakhmo ki sada usne suni thi shayad
    fir bhi marham na zalim ne khudara bakhsha,
    khar ka haar mere Qabr par dala usne
    jisko Qudrat ne gulshan ka gahwara bakhsha,
    mere hissey me mili thi alum ki jhurmut
    mere azeezoo ne yeh anmol sitara bakhsha,
    dil ki hasrat ka hua khoon tera he kyun ABBR
    Jab ke zulmat ne tujhe noor he sara bakhsha
    Noor Mohammad Raza ABBR

  3. barkhä rut mèñ wo tèrä, jadu jagänä yäd hai!
    rut’huä yuñhi tèrä, mèrä manänä yäd hai!
    dilberi kä tèri humdum, her ik fasäna yäd hai!
    “shauq mèñ mèñhdi k wo. bèdast o pä honä tèrä!
    or mèrä wo chhèr’nä, wo gudgudänä yäd hai!!”
    29nov10
    ~ jïm alif parvèz / hasrat mühäni.
    key:
    barkhä rut mèñ-during rainy season
    dilberi-affairs of d heart
    humdum-sweetheart
    fasäna-tale
    shauq-passion
    mèñhdi-hena
    bèdast o pä honä-2 b sans appendages
    chhèr’nä-2 cause minor irritation
    gudgudänä-tickling.
    jap.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s