Apne Jaise Hi Kisi Shakl Mein Dhaalenge Tumhein


Apne jaisi hi kisi shakl meiN dhaalenge tumheiN

Hum bigaR jaayenge itnaa ki banaa lenge tumheiN

Apni aankhoN meiN dhuaaN kar ke to mushkil hogi

Apne seene pa baharhaal bujhaa lenge tumheiN

MujhmeiN paivast ho tum yuN ke zamaane waale

Meri mitti se mere baad nikaalenge tumheiN

Faislaa kar hi liya hum ne agar miTne ka

Kaasa e jism meiN thoRa sa bachaa lenge tumheiN

Jaane kya kuch ho chhupa tum meiN muhabbat ke siva

Ham tasallii ke liye phir se khaNgaalenge tumheiN

Ye zamiN kuchh bhi nahiN aur ye jahaN kuchh bhi nahiN

Ham agar chaaheiN to ik jast meiN jaa lenge tumheiN

Toot saktaa hai bahut jald ye zindaan e badan

Tum hameiN chhoo lo to ham yuN bhi chhuRa lenge tumheiN

Hamne sochaa hai K is baar junooN karte hue

Khud ko is tarh se kho denge k paa lenge tumheiN

Tum se ik jang to laRni hai so laRte hue ham

Apne kheme meiN kisi roz mila lenge tumheiN

   
(abhishek shukla)      

Advertisements

2 thoughts on “Apne Jaise Hi Kisi Shakl Mein Dhaalenge Tumhein

  1. apni äñkhoñ mèñ kisï roz, churä lèñ gè tumhèñ!
    zindagi bhar k liyè apnä banä lèñ gè tumhèñ!
    ab zarürat hai tou bus aèk razä ki uskè!
    “mujh mèñ paivast ho tum yüñ k zamänè wälè,
    mèri mit’t’i sè, mèrè bäd, nikälèñ gè tumhèñ!”
    24mar13
    ~ jïm alif parvèz / abhïshèk shuklä.
    key:
    zarürat-necessity
    sirf-only
    razä-will
    uskè-[m] THE ALMIGHTY
    paivast-[means here] inseparably mixed.
    jap.

  2. tum ko äg”hosh mèñ bhar k hi, chhupä lèñgè tumhèñ!
    hum kisi taur bhi, jalnè sè bachä lèñgè tumhèñ!
    jitè ji, hum tumhèñ hargiz nä jhulasnè dèñ gè!
    “apni äñkhoñ mèñ dhüäñ ker k, tou mushkil hogi!
    apnè siiney pè baherhäl bujhä lèñgè tumhèñ!!”
    29mar13
    ~ jiim alif parvèz / abhishèk shuklä.
    key:
    äg”hosh mèñ bharnä-2 hold in embrace
    kisi taur-in whatever manner
    hergiz-@any cost
    jhulasnä-2get scorched
    dhüäñ-smoke
    baherhäl-after all
    siina-chest
    bujhänä-2douse (flames).
    jap.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s