Safar Ke Baad Bhi Zauq E Safar Na Rah Jaye


Safar ke baad bhi,  zauq-e-safar na rah jaaye
Khyal-o-khaab mein ab ke bhi ghar na rah jaaye

Main sochtaa huN bahut zindagii ke baaray meiN
Yeh zindagii bhi mujhe soch kar na rah jaaye

Bas ek khauf mein  hotii hai har sehar merii
Nishaan-e-khaab kahiN aaNkh par na rah jaaye

Yeh be-hisi thi to meri zid thi mere ajzaa se
K mujh mein apne ta’aaqub ka dar na rah jaaye

Hawaay-e-shaam!! teraa raQs naaguziir sahi
Yeh meri khaak tere jism per na rah jaaye

Usi ki shakl liya chaahti hai khaak merii
So shahr-e-jaaN mein koi kuza-gar na rah jaaye

Guzar gayaa ho agar qaafila to dekh aao
Pas-e-ghubaar kisi ki nazar na rah jaaye

Main aek or khaRa hun hisaar-e-duniya ke
Wo jis ki zid mein khaRa huN udhar na rah jaaye

(By: Abhishek Shukla)

Advertisements

6 thoughts on “Safar Ke Baad Bhi Zauq E Safar Na Rah Jaye

  1. Bhhhttt khoob.her ak sher zehn o dil k asman pay sitaro ki trha naqsh hota chala gaya.the 2nd verse jst thumbs up. Superb work keep it up.

  2. Bani aghyar ki ab chahne wali duniya, Rah gayi apne liye ek khayali duniya, Hum to rukhsat hue auron ne sambhali duniya, Phir na kehna hui Tauheed se khali duniya, Hum to jeetein hain ke duniya mein tera naam rahe. Kahi mumkin hai ke saaqi na rahe jaam rahe.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s