Dekh Le Khaak Hai Kasay Mien K Zar Hai Saayin


Dekh le! khaak hai kaasay meiN K zar hai saayiN
Dast-e-daadaar baRaa sho’badaa – gar hai saayiN

Tu mujhe uss ke kham -o- paich bataata kya hai
Kooy -e- Qaatil to meri raahguzar hai saayiN

Ye jahaN kya hai bas ek safha-e-be-naqsh-o-nigaar
Aur jo kuchh hai tera husn-e-nazar hai saayiN

Shahr-o-sehra to haiN insanoN ke rak_khe hue naam
Ghar wahiN hai dil-e-deewaana jidhar hai saayiN

Hum ne pahle bhi ma’aal-e-shab-e-Gham dekha hai
AaNkh  ab ke jo khulegii to sehar hai saayiN

PaaoN ki fikr na kar, baar-e-kam-o-besh utaar
Asl zanjeer to saamaan-e-safar hai saayiN

Aage taqdeer parinday ki  jahaaN le jaaye
Hadd-e-pervaaz faqat hauslaa bhar hai saayiN

Shairi kaun karaamat hai magar kya keejiye!
Dard hai dil meiN so lafzoN mein asar hai saayiN

Ishq meiN kahte hain Farhaad ne kaTa tha pahaaR
Hum ne din kaaT diye yeh bhi hunar hai saayiN

(By Irfan Siddiqui)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s