Tere Tan Ke Bahut Rang HaiN Jaan-E-Man


 

Tere tan ke bahut rang haiN jaan-e-man, aur nihaaN dil ke nairang-KhanoN meiN haiN!
Laamsaah, Shaammah, Zaaiqaah, Saameaah, Baasraah sab mire raaz daanoN meiN haiN!!
Aur kuChh daaman-e-dil kushaadah karo! dosto, shukr-e-n’emat ziyaadaa karo!
PeR, dariya, hava, raushni, aurteN, KhushbueN sab Khuda ke KhazaanoN meiN haiN!!
Naaqa-e-husn kii ham rakaabii kahaaN ?! Khaima-e-naaz meiN baraayaabii kahaaN?!
Ham to ai baano-e-kishwar-e-dilbari, paasdaaroN meiN haiN! saarbaanoN meiN haiN!!
Mere andar bhii hai ek shehar-e-digar, mere mehtaab ik raat idher se guzar!
Kaise kaise chiraagh in dariichoN meiN haiN! kaise kaise qamar in makaanoN meiN haiN!
Ik sitaarah ada ne yeh kya kar diya?! merii miTTi se mujh ko juda kar diya!
In dinoN paaoN mere zamiiN par nahiiN, ab miri manzileN aasmaanoN meiN haiN!
(Irfan Siddiqui)

Advertisements

2 thoughts on “Tere Tan Ke Bahut Rang HaiN Jaan-E-Man

  1. ghazal
    ham khwabejahan mai kuch is tarha soye hai
    bemani tasawwur mai haalbehaal roye hai
    ek aawaz mai to the yuen rangobahar
    gul ki berukhi ne sab aan baan khoye hai
    ehlegurba ne apne haaletangdasti mai
    rahe deed se hokar kuch khwaab sanjoye hai
    ek aahat si huee waqt ke badalne ki
    gam ke darya mai ye pal bhi samoye hai
    na tootegi falak ki dore himmat kabhi
    dhage mai kuch ese alfaaz piroye hai
    falak aslam baig
    amravati
    email: falakthane@gmail.com
    falakbaig05@rediffmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s