Maraajeat – A Poem by Hassan Akhtar Jaleel

مراجعت
———-
چلو اک بار پھر اپنی انہیں قبروں کی جانب لوٹ جائیں ھم
جہاں اس حشر بے داور سے پہلے
نیند کی صدیاں گزاری تھیں
چلو پھر اپنے کفنوں میں لپٹ جائیں
لحد کی خاک چہروں پر بکھیریں اور سو جائیں
سوا نیزے پہ سورج ھے
مگر اب تک ھماری تشنہ کامی نے
میان عرصئہ محشر،کہیں بھی چشمئہ کوثر نہیں دیکھا
کہیں میزان کی تنصیب کا منظر نہیں دیکھا
کسی ظالم کے بائیں ھاتھ اعمال کا دفتر نھیں دیکھا
سوا نیزے پہ سورج ھے
مگر وہ عدل کا دن، داد خواہی کی گھڑی اب تک نہیں آئی
چلو اک بار پھر اپنی انہیں قبروں کی جانب لوٹ جائیں ھم
کہ وہ اک کاروبار خسروی تھا اور ھم اسکو
کسی کے عہد یوم الدین کی تکمیل سمجھے تھے
وہ اک دجال کی آواز تھی جس کو
ھم اپنی سادگی صور اسرافیل سمجھے تھے
(حسن اختر جلیل)

Maraajeat

Chalo ik bar phir apni unhi qabron ki janib lot jaen hum
JahaaN es hashr e be dawar se pehle
Neend ki sadyan guzari theeN

Chalo phir apne kafnoN meiN lipaT jaaen
Lahad ki khaak chehroN par bikhereN aur so jaaen

Sawa neze pe sooraj hai

Magar ab tak humari tishna-kami ne
Miaan e arsa e mehshar, kaheeN bhi chashma-e-kousar nahee dekha
Kehen meezan ki tanseeb ka manzr nahee dekha

Kisi zalim ke baaeN hath meiN aamal ka daftar nahee dekha

Sawa neze pe sooraj hai

Magar wo adl ka din, daad-khaahi ki ghari ab tak nahi aai

Chalo ik bar phir apni unhi qabron ki janib lot jaaen hum
K wo ik karobar-e-khusrawi tha aur hum usko
Kisi ke ahd-e-yomiddin ki takmeel samjhe the

Wo ik dajjal ki awaz thee jisko
Hum apni saadgi se soor e israfeel samjhe the

(Hassan Akhtar Jaleel)

P.s: The poem was written after general Zia dismissed Jonejo assembly on 29th of May, 1988.

Advertisements