Darwaza Jo Khola To Nazar Aaye Khare Woh

Darwaza Jo Khola To Nazar Aaye KhaRe Woh
Hairat Hai Mujhe Aaj Kidhar Bhool PaRe Woh
 
Bhoolaa Nahi Dil Hijr Ke Lamhaat KaRe Woh
Ratein to BaRi ThiN Hi Magar Din Bhi BaRe Woh
 
KyuN Jan Pe Ban Aai Hai BigRa Hai Agar Woh
Us Ki To Ye Aadat K HawaaoN Se LaRe Woh
 
KyuN Jan Pe Ban Aai Hai Bigra Hai Agar Woh
Us Ki To Ye Aadat K Hawaon Se LaRe Woh
 
Alfaz Thay Us Ke K Bahaaron K Payaamaat
Khushbu Si Barasne Lagi Youn Phool JhaRe Woh
 
Har Shakhs Mujhe Tujh Se Juda Karne Ka KhaaahaN
Sun Paye Agar Aik To Das Ja K JaRe Woh
 
Bachche Ki Tarah Chand Ko Choone Ki Tamanna
Dil Ko Koi Shai De De To Kia Kia Na ARe Woh
 
ToofaaN Hai To Kya Gham Mujhe Awaz To Dejiye
Kya BhooL Gaye Aap Mere Kachche GhaRe Woh!

(Parvin Shakir)

ZamiiN Kaisi Lagegi Aasmaan Kaisa Lagega

ZamiiN kaisi lagegi, aasman kaisa lagega
Hamare baad tumko ye jahaaN kaisa lagega

Thake haare hue suraj ki bhigi raushni men
HawaaoN se ulajhta baadbaaN kaisa lagega

Jame qadmon ke niche phisalti jaegi ret
Bikhar jaegi jab umr-e-rawaaN kaisa lagega

Isi miTTi men mil jaegi punji umr bhar ki
Giregi jis ghaRi diwar-e-jaaN kaisa lagega

Bahut itra rahe ho dil ki bazi jeetne par
Ziyan baad az ziyan baad az ziyan kaisa lagega

Wo jis ke baad hogi ek musalsal be-neyazi
GhaRi bhar ka wo sab shor o fughan kaisa lagega

Abhi se kya bataen marg-e-majnun ki KHabar par
Suluk-e-kucha-e-na-mehrbaaN kaisa lagega

Batao to sahi ai jaan-e-jaan kaisa lagega
Sitaron se bhara ye aasman kaisa lagega

(Iftekhar Arif)

Dil Girafta Hi Sahi Bazm Sajaali Jaye

دل گرفتہ ہی سہی بزم سجالی جائے

یادِ جاناں سے کوہئ شام نہ خالی جائے

رفتہ رفتہ یہی زنداں میں بدل جاتے ہیں

اب کسی شہر کی بنیاد نہ ڈالی جائے

مصحفِ رُخ ہے کسی کا کہ بیاضِ حافظ

ایسے چہرے سے کبھی فال نکالی جائے

وہ مروّت سے ملاِ ہے تو جھکا دوں گردن

میرےدشمن کا کوئی وار نہ خالی جائے

بے نوا شہر کا سایہ ہےمرے دل پہ فراز

کس طرح سے مری آشفتہ خیالی جا ئے

احمد فراز

Dil giraftaa hi sahii bazm sajaali jaye

Yaad E janaN se koi shaam na khaali jaye

Rafta-rafta yahi zandaaN mein badal jate hain

Ab kisi shahr ki buniyaad na daali jaye

Mushaf E rukh hai kisi ka K beyaaz E Hafiz

Aise chehre se kabhi faal nikaali jaye

Wo murawwat se mila hai to jhukadun gardan

Mere dushman ka koi waar na khaali jaaye

Be-nawaa shahr ka saaya hai mere dil pe ‘Faraz’

Kis tarah se meri aashufta khyaali jaye

(Ahmad Faraz)

Ab Mehfil E Ghazal Mein Ghazal Aashna Hai Kaun?

Renown Urdu poet Dr. Kalim Ajiz passed away yesterday. It is a tribute to him from all poetry lovers.

اب محفلِ غزل میں غزل آشنا ہے کون؟
مانا کہ ایک ہم ہیں، مگر دُوسرا ہے کون؟
قاتل نے جب پُکارا کہ اہلِ وفا ہے کون؟
سب لوگ جب خموش رہے، بول اُٹھا ہے کون؟
تُم اپنی انجُمن کا ذرا جائزہ تو لو
کہنے کو تو چراغ بہت تھے، جلا ہے کون؟
دعویٰ سُخن کا سب کو ہے لیکن تمام عُمر
اک دشمنِ سخن سے مُخاطب رہا ہے کون؟
سب دیکھتے جدھر ہیں اُدھر کیا ہے؟ کچھ نہیں!
ہم دیکھتے جِدھر ہیں اُدھر دیکھتا ہے کون؟
تصویرِ میکدہ میری غزلوں میں دیکھئیے
سنبھلا رہا ہے کون، نشے میں گِرا ہے کون؟
مَیں ایک نقشِ پا ہُوں مگر مَیں بتاؤنگا
اِس راہ سے جو گزرا ہے وہ قافلہ ہے کون!
سب دوست ایک ایک کرکے مُجھے چھوڑتے گئے
دُشمن بھی دنگ ہے کہ یہ تنہا کھڑا ہے کون
گھر بھی ترا، گلی بھی تری، شہر بھی ترا
جو چاہے جِس کو کہہ دے، تُجھے روکتا ہے کون؟
عاجؔز یہ کِس سے بات کرو ہو غزل میں تُم؟
پردہ اُٹھاؤ ہم بھی تو دیکھیں چُھپا ہے کون؟

~~~~~~~***~~~~~~~

Ab Mehfil E Ghazal mein Ghazal aashna hai kaun?

Maanaa K aek hum hain magar dusraa hai kaun?

Qaatil ne jab pukaara K ahl e wafaa hai kaun?

Sab log jab khamosh rahe bol uTha hai kaun?

Tum apni anjuman ka zaraa jaayezaaH to lo

Kahne ko to chiraagh bahut the, jala hai kaun?

Daa’va sukhan ka sab ko hai lekin tamaam umr

Ek dushman e sukhan se mukhatib raha hai kaun?

Sab dekhte jidhar hain udha kya hai kuchh nahi

Hum dekhte jidhar hain udhar dekhta hai kuan?

Tasveer e maikada meri ghazloN mein dekhiye

Sanbhla raha hai kaun, nashe mein gira hai kaun?

Main ek naqsh e paa hun magar main bataunga

Is raah se jo guzra hai woh qaafila hai kaun?

Sab dost aek ek kar ke mujhe chhoRte gaye

Dushman bhi dang hai k ye tanha khaRa hai kaun?

Ghar bhi tera, gali bhi teri, shahr bhi tera

Jo chahe jis ko kah de tujhe rokta hai kaun?

‘Aajiz’ ye kis se baat karo ho ghazal mein tum?

Parda uThao, hum bhi to dekhien chhupa hai kaun?

(Kalim Ajiz)

Peet Karna To Hum Se Nibhaana Sajan…

Peet karna to hum se nibhaana sajan, hum be pahlay hi din tha kahaa na sajan

Tum hi majboor ho, hum hi mukhtaar hain, khair maana sajan, yeh bhi maana sajan

Ab jo hone ke Qissay sabhi ho chuke, hum tumhein kho chuke, tum humein kho chuke

Aagay dil ki naa baatoN mein aanaa sajan, K yeh dil hai sadaa ka diwaana sajan

Yeh bhi sach hai na kuchh baat ji ki bani, sooni raatoN mein dekha kiye chaandni

Per yeh sauda hai hum ko puraanaa sajan, aur jeene ka apnay bahaana sajan

Shahr ke log achchhe hain hum-dard hain, per hamaari suno hum jahaaN-gard hain

DaaGh-e-dil na kisi ko dikhaana sajan, yeh zamaana nahi woh zamaana sajan

Us ko muddat hui sabr kartay hue, aaj koo-e-wafaa se guzartay hue

Poochhh kar is gadaa ka thikaana sajan, apne ‘Insha’ ko bhi dekh aana sajan

(Ibn E Insha from CHAAND NAGAR)

Woh Dushman E Jaan, Jaan Se Pyaara Bhi Kabhi Tha

Wo dushman-E-jaN, jaan se pyaara bhi kabhi tha

Ab kis se kahaiN, koii humaara bhi kabhi tha

Utra hai rag-O-pai mein to dil kaT sa gaya hai

Yeh zehr-E-judaai K gawaara bhi kabhi tha

Har dost jahaN abr-E-gurezaaN ki tarah hai

Ye shehar kabhi shehr humaara bhi kabhi tha

Titli ke ta’aaqub mein koi phool sa bachcha

Aisaa hi koi khaab humaara bhi kabhi tha

Ab agle zamaane ke milen log toh puchheiN

Jo haal humara hai tumhaara bhi kabhi tha?

Har bazm mein hum ne usay afsurda hi dekha

kahte hain ‘Faraz’ anjuman-aara bhi kabhi tha

(Ahmad Faraz)

Ajab Hai Rang E Chaman Ja Ba Ja Udaasi Hai

عجب ہے رنگ ِ چمن، جا بجا اُداسی ہے

مہک اُداسی ہے، باد ِ صبا اُداسی ہے

نہیں نہیں، یہ بھلا کس نے کہہ دیا تم سے؟

میں ٹھیک ٹھاک ہوں، ہاں بس ذرا اُداسی ہے

میں مبتلا کبھی ہوتا نہیں اُداسی میں

میں وہ ہوں جس میں کہ خود مبتلا اُداسی ہے

طبیب نے کوئی تفصیل تو بتائی نہیں

بہت جو پوچھا تو اتنا کہا، اُداسی ہے

گداز ِ قلب خوشی سے بھلا کسی کو ملا؟

عظیم وصف ہی انسان کا اداسی ہے

شدید درد کی رو ہے رواں رگ ِ جاں میں

بلا کا رنج ہے، بے انتہا اُداسی ہے

فراق میں بھی اُداسی بڑے کمال کی تھی

پس ِ وصال تو اُس سے سِوا اداسی ہے

تمہیں ملے جو خزانے، تمہیں مبارک ہوں

مری کمائی تو یہ بے بہا اُداسی ہے

چھپا رہی ہو مگر چھپ نہیں رہی مری جاں

جھلک رہی ہے جو زیر ِ قبا اُداسی ہے

دماغ مجھ کو کہاں کائناتی مسئلوں کا

مرا تو سب سے بڑا مسئلہ اُداسی ہے

فلک ہے سر پہ اُداسی کی طرح پھیلا ہُوا

زمیں نہیں ہے مرے زیر ِ پا، اُداسی ہے

غزل کے بھیس میں آئی ہے آج محرم ِ درد

سخن کی اوڑھے ہوئے ہے ردا، اُداسی ہے

عجیب طرح کی حالت ہے میری بے احوال

عجیب طرح کی بے ماجرا اُداسی ہے

وہ کیف ِ ہجر میں اب غالباً شریک نہیں

کئی دنوں سے بہت بے مزا اُداسی ہے

وہ کہہ رہے تھے کہ شاعر غضب کا ہے عرفان

ہر ایک شعر میں کیا غم ہے، کیا اُداسی ہے

Ajab hai rang e chaman, jaa-ba-ja udaasi hai

Mahek udaasi hai, baad-e-sabaa udaasi hai

Nahi nahi yeh bhala kis ne kah diya tumse

MaiN thik thak hun, haaN bus zara udaasi hai

MaiN mubtila kabhi hota nahi udaasi mein

MaiN wo hun jis mein K khud mubtila udaasi hai

Tabeeb ne koi tafseel to bataayi nahi

Bahut jo poochhha to itna kaha udaasi hai

Gudaaz Qalb khushi se bhala kisi ko mila?

Azeem wasf hi insaan ka udaasi hai

Shadeed dard ki rau hai ravaaN rag-e-jaaN mein

Bala ka ranj hai be inteha udaasi hai

Firaaq mein bhi udaasi baRe kamaal ki thi

Pas-e-visaal to us se siwaa udaasi hai

TumheN mile jo khazaane tumhein mubrak hoN

Meri kamaayi to yeh be-bahaa udaasi hai

Chhupa rahi ho magar chhup nahi rahi meri jaaN

Jhalak rahi hai jo zer-e-qaba udaasi hai

DimaaGh mujh ko kahaaN kaainaati mas’aloN ka

Mera to sab se baRa mas’alaa udaasi hai

Falak hai sar pe udaasi ki tarah phaila hua

ZameeN nahi mere zer-e-paa udaasi hai

Ghazal ke bhes mein aayi hai aaj mahram-e-dard

Sukhan ki oRhe hue hai ridaa, udaasi hai

Ajeeb tarh ki haalat hai meri be-ahwaal

Ajeeb tarha ki be-maajraa udaasi hai

Wo kah rahe the k shair ghazab ka hai ‘Irfan’

Har aek she’r mein kya Gham hai kya udaasi hai

(Poet:Irfan Sattar)