Gayi RutoN Me To Shaam O Sehar Na The Aise …

گئی رتوں میں تو شام و سحر نہ تھے ایسے
کہ ہم اداس بہت تھے مگر نہ تھے ایسے

یہاں بھی پھول سے چہرے دکھا ئی دیتے تھے
یہ اب جو ہیں یہی دیوار و در نہ تھے ایسے

ملے تو خیر نہ ملنے پہ رنجشیں کیسی
کہ اس سے اپنے مراسم تھے پر نہ تھے ایسے

رفاقتوں سے مرا ہوں مسافتوں سے نہیں
سفروہی تھا مگر ہم سفر نہ تھے ایسے

ہمیں تھے جو ترے آنے تلک جلے ورنہ
سبھی چراغ سر رہگزر نہ تھے ایسے

دل تباہ تجھے اور کیا تسلی دیں
ترے نصیب ترے چارہ گر نہ تھے ایسے

Gayi rutoN me to shaam O sehar na the aise
K hum udaas bahut the magar na the aise

Yahaan bhi phool se chehre dikhayi dete the
Yeh ab jo hain, yahi deewaar O dar na the aise

Mile to khair, na milne pe ranjishenN kaisi
K us se apne marasim the par na the aise

RafaaqatoN se mara huN, musaafatoN se nahi
Safar wohi tha magar hum-safar na the aise

HameeN the jo tere aane talak jalay warnaa
Sabhi chiraagh sar e rahguzar na the aise

Dil e tabaah! tujhe aur kya tasalli den
Tere naseeb, tere chara-gar na the aise